Presidenti i Kosovës, Hashim Thaçi, ka urdhëruar largimin e Vlora Çitakut nga çdo funksion që ajo e ka pasur në Uashington.
Kjo urdhëresë ka hapur rrugën e supozimit që Vlora të jetë pasardhësja e Thaçit, pra, të ulet në karrigen e presidencës.
Lidhur me këtë çështje është prononcuar edhe analisti kosovar Imer Mushkolaj, i cili për Syri Kosova tha se emri i Çitakut është i pranueshëm edhe për LDK-në.
“Vlora mund të jetë kandidate serioze e PDK-së për këtë pozitë edhe pse nuk e di nëse e pranon e gjithë partia, pasi dihet që janë të ndarë gjysma me Thaçin e gjysma me Veselin” ka thënë Mushkolaj për Syri.net.
Por kjo ndarje e PDK-së sipas Mushkolajt mund të mos jetë fort e rëndësishme kur emir I saj është I përshtatshëm për Lidhjen Demokrstike të Kosovës.
“Jam I sigurt se ajo është e pranueshme në LDK”, ka thënë ai.
E emir i Vlora Çitakut për presidente të Kosovës sipas Mushkolajt, bëhet edhe më I besueshëm kur tash po afrohet koha që Gjykata Speciale të marrë vendim për presidentin aktual Hashim Thaçi dhe kryetarin e PDK-së Kadri Veseli.
Sot presidenti i Kosovës, Hashim Thaçi, e ka nënshkruar dekretin për tërheqjen së ambasadores Vlora Çitaku nga misioni në Shtetet e Bashkuara të Amerikës.
Sipas dekretit Thaçi e ka urdhëruar largimin e ambasadores së deritanishme në Ëashington, e cila do të qëndrojë në këtë detyrë deri në emërimin e ambasadorit të ri.
“Urdhërohet tërheqja e znj. Vlora Çitaku nga pozita e Ambasadores/Shefes së Misionit diplomatik të Republikës së Kosovës në Shtetet e Bashkuara të Amerikës, me seli në Ëashington”, thuhet në dekretin e Presidentit.
© SYRI.net
“Slobodna Bosna” del me reagim pas artikullit të shumëpërfolur
Pritjet deri në një orë te Dheu i Bardhë për të hyrë në Kosovë
Dy arsyet pse Richard Grenell dëshiron lirimin e tij/ Vjen lajmi i keq për Hashim Thaçin
Denonco
Merrni lajmet më të fundit nga SYRI.net në çdo moment dhe kudo që të jeni!
