Taulant Kryeziu nga Lëvizja Vetëvendosje (LVV) në një konferencë për media ka adresuar kritika të shumta ndaj qeverisë aktuale, pas publikimit të Raportit të BE-së për Kosovën për vitin 2020.
Kryeziu tha se Kosova ka mbetur e fundit nga vendet e Ballkanit Perëndimor në rrugëtimin e saj drejt Bashkimit Evropian (BE).
“Kosova fatkeqësisht mbetet vendi i fundit në Ballkanin Perëndimorë, sa i përket rrugëtimit tonë drejt BE-së, derisa Serbia ka hap 18 kapituj dhe ka mbyll dy. Mali i Zi ka hap 33 dhe ka mbyll tri, Shqipëri dhe Maqedoni pritet së shpejti që nga dhjetori të fillojnë takimin e parë që shënon kapitullin e parë ndër qeveritar të fillimit të negociatave dhe Bosnja e cila ka 14 kritere për ta marr statusin e vendit kandidat i bie që dhe ne jemi prapa Bosnjës. Rrugëtimi drejt BE-së, kryefjalë të saj e ka sundimin e ligjit. Ne jemi jashtëzakonisht të kënaqur me gjuhën që ka përdor raporti sa i përket Qeverisë Kurti. Qeveria Kurti ka fokusuar programin e saj në luftë kundër korrupsionit dhe krimit të organizuar dhe zhvillimit ekonomik. Ka anuluar vendimet kontroverse të Qeverisë Haradinaj si dhe si dhe ka shkarkuar bordet e ndërmarrjeve publike si rezultat i parregullsive dhe mungesës së transparencës sipas raporteve të auditorit”, ka thënë ai.
Sipas tij, qeverisja gjatë kohës së Albin Kurtit, dhe vendimet e marra në këtë kohë përmenden pozitivisht në raport.
“Ka një dallim substancial mes kohës që kemi qenë ne në qeverisje dhe qeverisë jo legjitime të Hotit. Kur flet për qeverinë Kurti flet për zhvillim ekonomik, përkushtim në reforma evropiane, për luftim të krimit të organizuar dhe korrupsionit, etj. Kur i adresohet Qeverisë Hoti përfundon dhe fillon me dialogun me Serbinë. Duhet kuptuar një gjë, procesi i integrimit evropian nuk është dialogu me Serbinë, sfida kryesore është sundimi i ligjit”, ka thënë ai.
Kryeziu po ashtu ka thënë se Qeveria Hoti, rrinë në këmbë me vetëm një qëllim të një pazari të cilën e ka bërë Isa Mustafa dhe presidenti Hashim Thaçi.
“Procesi i integrimit evropian në substancë matet me marrëveshjen e Stabilizim Asocimit. Ne po e shohim që raporti po vazhdon vit pas viti ta vazhdoj gjuhën e njëjtë. Që sistemi i drejtësisë është i ndikuar prej politikës, që nuk ka luftim të krimit të organizuar dhe korrupsionit, dhe kjo nënkupton që nuk ka zhvillim ekonomik, nuk ka me pas vende të reja të punës , pa punësim dhe drejtësi është vështir me u bind zyrtarëve në Bruksel që këtyre me iu mundësu lëvizja e lirë. Vit pas viti nuk është kaluar 50 për qindëshi i planit për zbatim të MSA-së. Qytetarët më 6 tetor kanë votuar për një qeveri dhe kryeministër tjetër. Kjo qeveri rrinë në këmbë me vetëm një qëllim të një pazari të cilën e ka bërë Isa Mustafa dhe presidenti Thaçi për me bo një qeveri për dialog dhe jo për halle dhe brenga të qytetarëve”, ka thënë tutje ai.
© SYRI.net
“Slobodna Bosna” del me reagim pas artikullit të shumëpërfolur
Pritjet deri në një orë te Dheu i Bardhë për të hyrë në Kosovë
Dy arsyet pse Richard Grenell dëshiron lirimin e tij/ Vjen lajmi i keq për Hashim Thaçin
Denonco
Merrni lajmet më të fundit nga SYRI.net në çdo moment dhe kudo që të jeni!
