Debati në Kuvendin e Kosovës për çështjen e arsimit në Kosovë, ka përplasur edhe deputeten e PDK-së Ganimete Musliu me deputetin e VV-së Shpejtim Bulliqi.
Deputetja Musliu kritikoi ish qeverinë Kurti për mbarëvajtjen e procesit mësimor gjatë kohës së pandemisë, duke thënë se ishte i pamenduar.
Për këtë ka reaguar deputeti Bulliqi i cili tha se arsimin në Kosovë e kanë shkatërruar LDK e PDK.
“Në radhë të parë Qeveria Kurti është prej atyre qeverive ë në afat rekord ka arrit që ta rifillojë procesin mësimor online. Po ia kujtoj shoqes Gane, se arsimin e Kosovës e kanë shkatërruar dy parti LDK-ja duke hapur kolegje private dhe PDK-ja duke hapur universitete publike për interesa të tyre”, tha Bulliqi.
E deputetja e PDK-së Ganimete Musliu tha se nuk ia vlen që t’i replikojë Bulliqit, pasi sipas saj ai kishte dështuar sa ishte drejtor i arsimit.
“Nuk e di sa ia vlen me repliku me një ish drejtor të arsimit, ku gjatë kohës sa ishte ky drejtor në atë komunë, nota mesatare ka qenë 2sh”, tha Musliu.
Kujtojmë se dikur deputeti Bulliqi ishte drejtor i Arsimit në Komunën e Podujevës nga LDK, tanimë kandidat për kryetar i Podujevës nga LVV.
© SYRI.net
“Slobodna Bosna” del me reagim pas artikullit të shumëpërfolur
Pritjet deri në një orë te Dheu i Bardhë për të hyrë në Kosovë
Dy arsyet pse Richard Grenell dëshiron lirimin e tij/ Vjen lajmi i keq për Hashim Thaçin
Denonco
Merrni lajmet më të fundit nga SYRI.net në çdo moment dhe kudo që të jeni!
