Deputeti nga Lëvizja Vetëvendosje, Hekuran Murati, ka thënë se janë rreth 300 milionë euro financim e kredi shtesë që Kuvendi i ka vënë në dispozicion kësaj qeverisë të cilat nuk po përdoren për t’u ardhur në ndihmë qytetarëve e bizneseve.
Murati përmes një shkrimi në Facebook, pyet se pse kjo qeveri përderisa i ka 300 milionë euro në dispozicion duhet ti prek kursimet e qytetarëve.
"Pse po u dashka të preken kursimet e qytetarëve, kur kjo qeveri i ka 300 milionë euro në dispozicion? Apo ndoshta këto para po i ruajnë për t’u dhënë tenderë firmave të veta?" ka shkruar Murati
Shkrimi i plotë
Janë rreth 300 milionë euro financim e kredi shtesë që Kuvendi i ka vënë në dispozicion kësaj qeverie jolegjitime për t’u ardhur në ndihmë qytetarëve e bizneseve.
Ne si Lëvizje Vetëvendosje! i kemi votuar të gjitha marrëveshjet financiare ndërkombëtare për të mundësuar ratifikimin e tyre me 80 vota, megjithëse jemi në opozitë.
Ku mbetën këto para? Pse nuk po ndihmohen qytetarët e bizneset tani?
Pse po u dashka të preken kursimet e qytetarëve, kur kjo qeveri i ka 300 milionë euro në dispozicion? Apo ndoshta këto para po i ruajnë për t’u dhënë tenderë firmave të veta?
© SYRI.net