Deputetja nga radhët e LDK-së, Valentina Bunjaku, ka thënë se si kryetare e Komisionit për Arsim kërkon nga partitë që janë në Kuvend të Kosovës të bëhen bashkë të punojnë dhe të ofrojnë sygjerime për nxënësit së bashku, këto ajo i deklaroi gjatë interpelancës së Ramë Likajt, ministrit të Arsimit, që është duke u mbajtur në Kuvendin e Kosovës.
Bunjaku po ashtu e ka mbështetur edhe punën e Likajt për fillimin e vitit të ri shkollor.
“Le të japin propozime dhe të sugjerojmë që ta bëjmë më të mirën për fëmijët, nuk është kohë e luftës politike por e bërjes bashkë. Le të bëhemi bashkë për nxënësit. Sot duhet t’i japin mbështetje pozite dhe opozitë, Ministrisë së Arsimit, në mënyrë që të kalohet kjo sfidë e cila është globale. Larg betejave politike dhe inateve në të kaluarën”.
Bunjaku po ka arsyetuar edhe vonimin e fillimit të vitit të ri shkollor për dy javë ku ka thënë se një gjë e tillë ka ndodhur edhe në vendet e tjera të botës
© SYRI.net