Kryeministri i Kosovës, Albin Kurti në mbledhjen e 223 të Qeverisë së Kosovës ka folur edhe për vizitën që ai pati në Shtetet e Bashkuara të Amerikës në kuadër të Asamblesë së Përgjithshme të OKB-së në New York, si dhe për atë në Varshës të Polonisë.
Kreu i ekzekutivit kosovar tha se ka zhvilluar takime të shumta me shtetet mike të Kosovës, ndërsa veçoi ato me shtetet mosnjohëse.
“Së fundmi ishim në Amerikë, në Asamblenë e Përgjithshme në New York, pastaj në Varshavë. Takime të shumta me shtete mike, e kanë karakterizuar vizitën tonë për të forcuar marrëdhënien tonë në fushën e sigurisë, energjisë, ekonomisë”.
Kryeministri tha se në takimet me udhëheqësit e shteteve mosnjohës u takua për t’i njohur me vendin dhe synimet që euroatlantike që Kosova ka, ndërsa shtoi se me ato vende që kanë njohur Kosova, synimi është që të thellohen raportet bilaterale.
“Takuam edhe udhëheqës edhe të shteteve mosnjohëse për t’i njohur ata më shumë me vendin tonë, me synimet tona euroatlantike, për të afruar më shumë ato vende drejt njohjes tonë dhe të vendosjes së marrëdhineve bilaterale. Këto vende mosnjohëse synojmë ti afrojmë, ndërkohë me vendet që na kanë njohur ti thellojme raportet bilaterale edhe sa i përket investimeve ekonomiuke, shkëmbimeve kulturore”, tha Kurti në mbledhjen e qeverisë.
© SYRI.net
Bislimi: Sot në Beograd do të votohet që UNMIK-u përfundimisht të largohet nga përfaqësimi në CEFTA
Kurti e quan “luftë hibride” publikimin e bisedës Kusari-Lila – Radojçiq
“Alo vendase, a po dëgjohemi”, për çka bisedoi Radoiçiq me Kusari-Lilën në telefon? Zbardhen biseda të reja
Denonco
Merrni lajmet më të fundit nga SYRI.net në çdo moment dhe kudo që të jeni!
