Dita e djeshme e takimeve të Kryeministrit të Republikës së Kosovës, Albin Kurti, u përmbyll me një bashkëbisedim me diasporën shqiptare në Poloni.
Me bashkatdhetarët tanë, kryeministri diskutoi për përkushtimin e mërgatës dhe kontributin e tyre për progresin dhe zhvillimin e Kosovës.
Kryeministri tha se diaspora jonë është bosht i rëndësishëm i lidhjeve tona me Poloninë, ku bashkërisht duhet të intensifikojmë përpjekjet për forcimin e mëtejmë të marrëdhënieve dypalëshe me këtë shtet.
Ai i njoftoi pjesëmarrësit edhe me takimet e mbajtura gjatë këtyre dy ditëve në kuadër të Forumit të Sigurisë të Varshavës dhe bisedat e frytshme të zhvilluara me miq e partnerë.
Në fund, kryeministri theksoi se Polonia është një partner i rëndësishëm, me të cilën synojmë thellimin e bashkëpunimit në shkëmbime ekonomike, mbrojtje e siguri, dhe ndërveprim kulturor mes shumë fushash të tjera.
© SYRI.net
Reforma e arsimit në Prishtinë, Abdixhiku e deputeti gjerman e vizitojnë dhe hanë drekë në njërën nga shkollat me mësimgjithëditor
KEK do të furnizojë shkollat e dy komunave me thëngjill
Hargreaves: Jemi krenarë për rolin tonë në FSK dhe progresin e saj drejt të qenit profesionale
Denonco
Merrni lajmet më të fundit nga SYRI.net në çdo moment dhe kudo që të jeni!
