Kuvendi i Kosovës ka bërë të ditur se ka anuluar logon e re për shkak se kishte ngjashmëri me një logo tjetër.
Në njoftimin e lëshuar thuhet se ky vendim erdhi pas reagimeve të shumta nga persona të fushës së dizajnit.
“Kryesia e Kuvendit të Kosovës, në mbledhjen e rregullt të mbajtur më 23.09.2024 e ka trajtuar çështjen e logos së Kuvendit dhe ka konstatuar se e njëjta nuk duhet të këtë ngjashmëri me ndonjë logo tjetër, pavarësisht se logoja e përzgjedhur nga juria profesionale nuk ka qenë identike me logon më të cilën është krahasuar”.
Më tej, thuhet se pas një takimi ndërmjet përfaqësuesve të Kuvendit dhe operatorit ekonomik fitues, është konstatuar se logoja e përzgjedhur ka ngjashmëri me logon e krahasuar, pavarësisht se nuk janë identike.
“Të dy palët u pajtuan që Kuvendi i Kosovës duhet të këtë logo e cila nuk ka ngjashmëri me asnjë logo tjetër”.
Operatori ekonomik zyrtarisht u pajtua që të kthejë mjetet financiare të pranuara nga Kuvendi, si dhe ka kërkuar që të kthejë në pronësi të saj të drejtën e autorit të logos së propozuar.
Më pas theksohet se Kuvendi i Kosovës do të zhvillojë procedurën e re për përzgjedhjen e logos së Kuvendit.
© SYRI.net
Osmani merr pjesë në pritjen e organizuar nga Bill dhe Hillary Clinton në New York
Osmani: Mirënjohëse për mbështetjen e palëkundur të Bullgarisë ndaj Kosovës
Kurti publikon foto pas arritjes në New York: Takime me liderë të huaj për të diskutuar mbi progresin e Kosovës
Denonco
Merrni lajmet më të fundit nga SYRI.net në çdo moment dhe kudo që të jeni!
