Kreu i LDK-së, Lumir Abdixhiku ka përkujtuar heron Afrim Bunjaku në njëvjetorin e vrasjes së tij.
Abdixhiku shkruan se rreshteri Bunjaku u vra nga pjesëtarë të një grupi terrorist të sponsorizuar nga Serbia, derisa po ushtronte profesionin dhe punën fisnike prej polici.
“Afrim Bunjaku është Heroi i cili sakrifikoi jetën e tij për shtetin e Kosovës. Shembulli i tij është model dhe motiv për brezat se si mbrohet e si duhet shërbyer atdheut edhe në kohë paqeje”, ka shkruar mes tjerash Abdixhiku.
Komunikata e plotë:
Kryetari Lumir Abdixhiku përkujton heroin Afrim Bunjaku, në 1 vjetorin e vrasjes së tij:
“Sot, më 24 shtator është bërë viti që nga rënia në krye të detyrës, në mbrojtje të sovranitetit dhe integritetit të Kosovës, e policit-hero, Afrim Bunjaku.
Ai u vra nga pjestarë të një grupi terrorist të sponzorizuar dhe komanduar nga Serbia, gjersa po ushtronte profesionin dhe punën fisnike prej polici në mbrojtjen e rendit dhe mirëqenies për të gjithë qytetarët e Republikës së Kosovës.
Afrim Bunjaku është Heroi i cili sakrifikoi jetën e tij për shtetin e Kosovës. Shembulli i tij është model dhe motiv për brezat se si mbrohet e si duhet shërbyer atdheut edhe në kohë paqeje.
Vrasja e heroit Bunjaku ishte goditje e rëndë jo vetëm për familjen dhe kolegët policë, por edhe për shtetin e Kosovës. Prandaj dënimi i terroristëve si dhe mbajtja përgjegjës e Serbisë si organizator i agresionit ndaj Republikës janë detyrime tona si shtet e si shoqëri.
Afrim Bunjaku mbetet përherë në kujtesën shtetërore si personalitet që dha frymën e fundit për territorin e Republikës së Kosovës.
I përjetshëm kujtimi e nderimi për Afrim Bunjakun. Lavdi e përjetshme!”
© SYRI.net
Deputeti i VV’së për Urën e Ibrit: Mos e prisni prej nesh që të kacafytemi me KFOR’in
Osmani: Ndërkombëtarët t’i bëjnë presion Vuqiçit, mos t’i kërcënoj serbët që jetojnë në Kosovë
Spekulimet se ka “luftë” brenda PDK-së, Hamza: Jemi partia më e unifikuar në Kosovë
Denonco
Merrni lajmet më të fundit nga SYRI.net në çdo moment dhe kudo që të jeni!
