Kryeministri i Kosovës, Albin Kurti ka thënë se në mbledhjen e djeshme të Qeverisë së Kosovës ndër vendimet kryesore ishte dhe ai i emërtimit të Rrugës Rajonale R-217 në Banjskë me emrin e heroit, Afrim Bunjaku.
Kreu i ekzekutivit kosovar shkruan se në këtë njëvjetor të sulmit terrorist në Banjskë, nderojmë dhe s’harrojmë sakfrificën e heroit Bunjaku që humbi jetën duke mbrotjru sovranitetin.
Tutje ai ka përmendur edhe vendimet tjera që janë marrë në këtë mbledhje të 221-të.
Postimi i plotë:
Në mbledhjen e 221-të të Qeverisë, ndër vendimet tona kryesore ishte emërtimi i Rrugës Rajonale R-217 segmenti: Ballaban – Banjskë, me emrin e Heroit të Republikës së Kosovës “Afrim Bunjaku”. Në njëvjetorin e sulmit terrorist dhe paramilitar kundër vendit tonë në Banjskë të Zveçanit, nderojmë e kurrë nuk harrojmë sakrificën e heroit, rreshterit Afrim Bunjaku, që humbi jetën duke mbrojtur sovranitetin dhe integritetin territorial të Republikës së Kosovës.
Mes vendimeve tjera:
-Ndamë 219,000.00€ për organizimin e Forumit Ekonomik në Paris dhe promovimin e teknologjisë së informacionit me qëllim të tërheqjes së investimeve në kuadër të kësaj fushe, përmes organizatave lidere gjatë javës së TIK/ICT.
-Aprovuam katër Rregullore:
•Rregulloren për Vlerësimin e Rezultateve në Punë;
•Rregulloren për Procedurat e Konkurrimit për Nëpunësit Teknik dhe Mbështetës;
•Rregullore për Pezullimin nga Marrëdhënia e Punës;
•Rregullore për Përfundimin e Marrëdhënies së Punës në Shërbimin Civil.
-Emëruam kryesuesin e ri të Bordit të Postës së Kosovës dhe Drejtorin Ekzekutiv në Agjencinë për Menaxhimin e Emergjencave.
© SYRI.net
Deputeti i VV’së për Urën e Ibrit: Mos e prisni prej nesh që të kacafytemi me KFOR’in
Osmani: Ndërkombëtarët t’i bëjnë presion Vuqiçit, mos t’i kërcënoj serbët që jetojnë në Kosovë
Spekulimet se ka “luftë” brenda PDK-së, Hamza: Jemi partia më e unifikuar në Kosovë
Denonco
Merrni lajmet më të fundit nga SYRI.net në çdo moment dhe kudo që të jeni!
