Një shkëmbim zjarri ka ndodhur pak pas orës 18:00 në “Omonia” në kryqëzimin e rrugëve “Kretis” dhe “Akominatou” në Athinë.
Nga të dhënat e deritanishme dyshohet se nga një fuoristradë është hapur zjarr ndaj një shtetasi shqiptar, i cili ndodhej në një kafene në vendin e ngjarjes. Duke nisur nga numri i gëzhojave të gjetura, paraprakisht mendohet se kemi të bëjmë me atentat.
Një shqiptar me një plagë depërtuese në shpatull nga një plumb ka shkuar në Spitalin “Laiko” ku po i nënshtrohet një operacioni. Sipas asaj që u bë e ditur nga autoritetet policore, ka dëshmi që thotë se i plagosuri lëvizte me motoçikletë dhe ndiqte disa persona të tjerë me të cilët shkëmbyen të shtëna.
Autoritetet policore që kanë shkuar në vendngjarje kanë grumbulluar 7 gëzhoja, të cilat i kanë dërguar për ekspertizë.
Shqiptari i plagosur është Florian Bajraktari, 36 vjeç nga Tirana. Në vitin 2006 është arrestuar për vrasje në bashkëpunim, ngjarje e ndodhur në Lasithiou, Greqi. Është liruar me kusht në vitin 2018 dhe në vitin 2020 është arrestuar në Kalithea të Athinës për lojra fati.
© SYRI.net
Kujt i shkojnë votat e mërgatës?
Osmani takohet me Bill e Hillary Clinton: Faleminderit për gjithçka që keni bërë dhe vazhdoni të bëni për Kosovën
Rohde pas takimit me Orav: Pres që bashkërisht ta sjellim Kosovën më afër Bashkimit Evropian
Denonco
Merrni lajmet më të fundit nga SYRI.net në çdo moment dhe kudo që të jeni!
