Anëtari i Kryesisë së Lidhjes Demokratike të Kosovës Berat Rukiqi ka thënë se qeveria po vazhdon me dhënien e tenderëve njëburimor, sidomos tani kur ditët i ka të numëruar.
Sipas tij tenderët “sekretë” siç i quan LDK, janë ndër markat tregtare të kësaj qeverie.
“Tenderat njëburimor janë ndër markat tregtare të kësaj qeverie, pra pa përjashtim komplet kabineti qeveritar dhe të gjitha organizatat buxhetore të varura nga kjo qeveri, por edhe të gjitha ndërmarrjet publike që qeverisen nga kjo qeveri janë kampion të dhënies së tenderëve njëburimor”, tha Rukiqi.
Sipas Rukiqit këtu përgjegjësia është e komplet udhëheqjes së qeverisë, përfshirë edhe kryeministrin Kurti, i cili vazhdon të injorojë një problem që është shndërruar në praktikë të qeverisjes.
“Pra një praktikë korruptive e cila realisht nuk ka të ndalur dhe që vazhdon të përdoret edhe për fuqizimin e pushtetit faktik dhe të pushtetit financiar të kësaj qeverie. Këta tenderat janë burim kryesor i korrupsionit”, shtoi Rukiqi.
© SYRI.net
KFOR-i bashkë me Policinë e Kosovës rrisin patrullimet në veri
Osmani takohet me Sulltanin e Bruneit: Ka shumë potencial për rritjen e bashkëpunimit mes dyja vendeve
Laboratori i drogës në Prishtinë, nga një muaj paraburgim për dy të dyshuarit
Denonco
Merrni lajmet më të fundit nga SYRI.net në çdo moment dhe kudo që të jeni!
