Dioqeza e Rashkës dhe e Prizrenit ka njoftuar se Manastiri i Banjskës do të mbyllet për vizitorë nga 23 deri më 26 shtator. Në njoftim thuhet se arsyeja e mbylljes së manastirit për vizitorët është siguria, si dhe për të ruajtur paqen.
“Dioqeza e Rashkës dhe e Prizrenit njofton opinionin se manastiri i Banjkës do të jetë i mbyllur për vizitorë të hënën, të martën, të mërkurën dhe të enjten (23-26 shtator) për arsye sigurie dhe për të ruajtur paqen, e cila aktualisht është e një rëndësie të madhe për manastirin”, thuhet në njoftim.
Mbyllja e Manastirit ndodh në kohën kur sulmi terrorist në Banjskë më 24 shtator, shënon një vjetorin. Më 24 shtator 2023 ndodhi agresioni në Banjskë, ku grupi kriminal i udhëhequr nga krimineli Milan Radoiçiq, vrau rreshterin e Policisë së Kosovës, Afrim Bunjaku.
Këtë javë, Prokuroria Speciale ka ngritur aktakuzë ndaj 45 personave lidhur me këtë sulm, ku thuhet se qëllimi ishte aneksimi i veriut.
© SYRI.net
'Me duart tona': Romët që u detyruan të pastrojnë krimet e Serbisë në Kosovë
Osmani lajmërohet nga New Yorku, do ta përfaqësojë Kosovën në javën e nivelit të lartë të OKB-së
Të shtëna me armë zjarri në Mitrovicë, dyshohet për të plagosur
Denonco
Merrni lajmet më të fundit nga SYRI.net në çdo moment dhe kudo që të jeni!
