“Mos bini pre e mashtrimeve” – Posta paralajmëron qytetarët për sms të dyshimta

Posta e Kosovës ka lëshuar një njoftim për qytetarët, duke i paralajmëruar ata të mos bien pre e një mashtrimi të fundit.

Sipas njoftimit, palë të panjohura po dërgojnë SMS qytetarëve duke u paraqitur si përfaqësues të Postës së Kosovës. Ky mashtrim ka për qëllim të kërkojë të dhëna personale dhe numra kartelash bankare.

“Posta e Kosovës njofton publikun që të mos bjerë pre e një mashtrimi. Palë të panjohura po dërgojnë SMS qytetarëve, duke u paraqitur në emrin e Postës së Kosovës. Menjëherë pasi është njoftuar për këtë, Posta e Kosovës ka informuar organet kompetente dhe po bashkëpunon me to”, thuhet në njoftim.

Në njoftim, Posta e Kosovës kërkon nga qytetarët që të mos klikojnë në asnjë link të dërguar përmes këtyre SMS-ve dhe të mos bashkëpunojnë me numra që nuk janë të autorizuar nga Posta e Kosovës.

Të nderuar qytetarë, ju lutëm mos klikoni asnjë link të dërguar përmes këtyre mesazheve dhe të mos bashkëpunoni me numra që nuk janë të Postës së Kosovës. Në asnjë rast, Posta e Kosovës nuk do t’ju kërkojë të dhëna personale apo numër kartele bankare. Edhe posta të tjera në rajon janë sulmuar nga keqbërës të ngjashëm.

Posta e Kosovës është e përkushtuar për t’i mbrojtur qytetarët dhe për të bashkëpunuar me organet relevante!”, thuhet më tej në njoftim.

© SYRI.net

Lexo edhe:

• Ish-diplomati serb: Kosova histori e mbyllur, Vuçiçi po e dorëzon
• Kurti pas drekës me von der Leyen dhe liderët e rajonit: Presim marrjen e statusit të kandidatit dhe pyetësorit
• ​Ambasada britanike nis fushatën për përfshirjen e barabartë të grave në jetën publike