MPJD në kërkim të 25 diplomatëve të rinj

21:35, 18/09/2024

Nëse dëshironi të bëheni pjesë e diplomacisë së Republikës së Kosovës dhe nëse keni përfunduar studimet universitare në shkenca politike, juridike, marrëdhënie ndërkombëtare, politika të sigurisë, studime evropiane, ekonomi, diplomaci (ekonomike, publike dhe kulturore), administratë publike, si dhe në degët e Fakultetit të Filologjisë dhe të Fakultetit të Filozofisë, Aplikoni sa më parë në konkursin më të ri të Ministrisë së Punëve të Jashtme dhe Diasporës. Aplikimi mund të bëhet deri më 3 tetor 2024.

"Përfaqësimi i denjë i Republikës së Kosovës në arenën ndërkombëtare dhe ofrimi i shërbimeve cilësore konsullore për qytetarët tanë jashtë vendit arrihet vetëm përmes rritjes së theksuar të cilësisë dhe profesionalizmit të diplomatëve që shërbejnë në MPJD dhe në misionet diplomatike të Kosovës. Përmbyllja e reformave të thella në Ministrinë e Punëve të Jashtme dhe Diasporës ka krijuar tashmë mundësi të reja për angazhimin e një brezi të ri diplomatësh, të kualifikuar dhe profesional.

Ju inkurajoj të aplikoni, duke ju siguruar se procesi i përzgjedhjes së diplomatëve të rinj do të jetë i ndershëm, kërkues dhe sfidues, dhe i bazuar vetëm në parimin e meritokracisë. Kosova ka nevojë për përfaqësuesit më të përgatitur dhe të përkushtuar për të prezantuar vlerat e saj në botë", thuhet ne njoftimin e MPJD-se..

Të gjithë kandidatët që e kalojnë fazën e parë të përzgjedhjes do t’i nënshtrohen një trajnimi të mirëfilltë, jo vetëm në fushën e diplomacisë tradicionale, por edhe në qasjet bashkëkohore të saj.
[⏳] Aplikimi për këtë konkurs është i mundshëm deri më: 3 tetor 2024, ora 23:59.
Konkursi është i ndarë sipas gjuhëve të huaja. Kështu synojmë të plotësojmë disa prej nevojave të menjëhershme.
Më shumë informacion për pozitat e hapura mund të gjeni në lidhjet më poshtë:
https://konkursi.rks-gov.net/jobs?servant=1&functionalCategory=1&institution=28298&fbclid=IwY2xjawFYDAVleHRuA2FlbQIxMAABHdWurc6L8UMeLWcbMsm6PodON-hY8Z98QJ4RnAllDdehpB0CLKqJgCQKzQ_aem_CoUBHjLQvzUXQpj5uoxBjA
 

© SYRI.net

Lexo edhe:

• 51 prona të paluajtshme ipen për 99 vjet në Drenas, opozita proteston
• Maloku për aplikimin e Kosovës në BE: Kam frikë se nuk e ka kaluar as zyrën e parë
• AUV asgjëson 21 mijë e 380 kilogramë peshk të ngrirë, u gjetën krimba