Ambasadorja e Izraelit në Kosovë, Tamar Ziv, e ka falënderuar kryeministrin e Shqipërisë, Edi Rama, për pritjen që i bëri ai presidentit të vendit të saj, Isaac Herzog.
“Faleminderit Kryeministër Edi Rama për mbështetjen dhe miqësinë dhe mesazhin tuaj shumë të qartë!”, thuhet në postimin e ambasadores izraelite në Prishtinë.
Ajo shpërndau një postim të Herzog të shkruar në shqip, i cili i ka shprehur falënderime Ramës e Shqipërisë për “miqësinë dhe mbështetjen historike”.
Po ashtu, Herzog ka shkruar se nga 7 tetori “Shqipëria e ka vendosur qëndrueshëm veten në anën e duhur të historisë, duke treguar herë pas here se ju qëndroni me popullin e Izraelit teksa ne luftojmë për të mbrojtur kufijtë tanë dhe qytetarët tanë”.
© SYRI.net