Në Mitrovicë të Veriut gjatë së martës është arrestuar politikani serb, Aleksandar Arsenijeviq, pasi i fishkëlleu teksa kryeministri Albin Kurti po vizitonte atë pjesë.
Zëdhënësi i Inspektoratit Policor të Kosovës (IPK), Arbër Beka, ka njoftuar se deri më tani IPK nuk ka pranuar asnjë ankesë lidhur me këtë arrestim.
Ai theksoi se, sipas detyrës zyrtare, IPK do të analizojë pamjet dhe rrethanat e rastit për të vepruar në përputhje me autorizimet ligjore të IPK-së.
“IPK deri tani nuk ka pranuar ndonjë ankesë lidhur me këtë arrestim, sidoqoftë sipas detyrës zyrtare do ti analizojmë pamjet dhe rrethanat e rastit dhe do të veprojmë konform autorizimeve ligjore të IPK-së”, ka thënë Beka.
Ndërkaq, Arsenijeviq dhe një anëtar tjetër i Demokracisë Serbe u liruan pas disa orësh ka njoftuar për Dukagjinin zëvendësdrejtori i policisë në veri, Veton Elshani.
“Janë gjobitur sipas ligjit për rend dhe qetësi publike, sjellje arrogante, kundërvajtje për gjykatë”, ka thënë Elshani.
© SYRI.net
Vuçiqi kërkoi kthimin e serbëve në institucione, Osmani: S’besoj që ai e ka atë qëllim
Bislimi: Petkoviq kushtëzoi agjendën e takimit trilateral me kërkesa të papranueshme për Kosovën
Bislimi: Temë kryesore në takimin me Lajçak ishte zbatimi i Marrëveshjes së Ohrit
Denonco
Merrni lajmet më të fundit nga SYRI.net në çdo moment dhe kudo që të jeni!
