Policia jep detaje për shpërthimin te shtëpia e asistentit të Izmir Zeqirit

10:01, 05/09/2024 Policia e Kosovës ka dhënë detaje për shpërthimin e djeshëm në Zubin- Potok.

Sipas raportit 24-orësh të PK-së, nga mjeti shpërthyes i hedhur në oborrin e një shtëpie, janë dëmtuar një veturë dhe dy xhama të shtëpisë.

Rasti po hetohet nga Policia e Kosovës.

“SHKAKTIM I RREZIKUT TË PËRGJITHSHËM Zubin-Potok / 04.09.2024 – 02:40. Është raportuar se të dyshuar të panjohur kanë hedhur një mjet shpërthyes në oborrin e një shtëpie me ç’rast është dëmtuar një veturë dhe dy xhama të shtëpisë. Me urdhër të prokurorit, është iniciuar rasti dhe mbetet nën hetime”, thuhet në raport.

Dje është raportuar se mjeti shpërthyes u hodh në shtëpinë e një bashkëpunëtorit të kryetarit të kësaj komune, Izmir Zeqiri.

“Po, rasti ka ndodhur te shtëpia e një nga bashkëpunëtorët e mi më të mirë. Ai është asistent i imi, që merret me punët me komunitetin serb. Ngjarja ka ndodhur rreth orës 1-2 pas mesnatës”, tha Zeqiri për Klankosova.tv

Kreu i Zubin-Potokut, foli edhe rreth dyshimeve për motivin rreth këtij rasti.

“Paj, dyshimet kanë të bëjnë në lidhje me mua. Po synojnë të bëjnë pengesa”, tha numri një i Zubin-Potokut.

Të hënën Izmir Zeqiri, kishte njoftuar se ishte kërcënuar nga një person në rrjetet sociale.

© SYRI.net

Lexo edhe:

• Bislimi udhëton në Bruksel, nesër pritet takim me Petkoviqin
• Koci: Shtatë kërkesat e Serbisë janë pretekst për veprimet e tjera
• Bislimi udhëton drejt Brukselit për takimet e nesërme, Lajçak do të përpiqet të organizojë takim trepalësh