Ambasadori i Kosovës në Maqedoninë e Veriut, Florian Qehaja, ka deklaruar se për momentin shtetasi kosovar Blerim Ramadani është në ndalim në Maqedoninë e Veriut me flet-arrest nga ana e Serbisë për krime të pretenduara të kryera gjatë luftës në vitin 1999.
Ai gjithashtu ka siguruar se Ramadani nuk do t’i dorëzohet Serbisë.
“Jemi duke u marrë me rastin, e kemi rastin shumë të fortë që kjo nuk do të ndodhë. Jemi në komunikim me qeverinë e re këtu por edhe me organet e drejtësisë”, ka thënë Qehaja.
Ministria e Punëve të Jashtme dhe Diasporës e Kosovës tha se në Maqedoninë e Veriut është arrestuar një shtetas kosovar, bazuar në një fletarrestim të lëshuar nga Serbia.
“Fjala është për zotin Blerim Ramadani, ish-anëtar i Zonës Operative të Nerodimes të Ushtrisë Çlirimtare të Kosovës”, tha MPJD-ja.
Arrestimi u krye dje në pikëkalimin kufitar Jazincë-Glloboqicë, që lidh Kosovën me Maqedoninë e Veriut.
© SYRI.net
Hill: ShBA-ja s’i ka miratuar e as koordinuar veprimet e fundit të Kosovës në veri
Kurti takohet me nobelisten Murad, flasin për mbështetje për gratë e dhunuara gjatë luftës 
Rrahje mes disa personave në Emshir, lëndohen tre e arrestohen gjashtë
Denonco
Merrni lajmet më të fundit nga SYRI.net në çdo moment dhe kudo që të jeni!
