Osmani takohet me Jim O’Brien, flasin për dialogun Kosovë – Serbi

17:57, 08/07/2024

Presidentja e vendit, Vjosa Osmani, takimet në Samitin e NATO-s në Washington D.C, i ka nisur me ndihmës sekretarin e shtetit, Jim O’Brien.

Ajo thotë se O’Brien pati diskutim përmbajtësor mbi rëndësinë e bashkëpunimit me aleatët, por u fol edhe mbi zhvillimet e fundit në dialogun me Serbinë.

”Takimet në Washington D.C. i filluam me ndihmës-sekretarin e Shtetit, Jim O’Brien.

Diskutim përmbajtësor mbi rëndësinë e bashkëpunimit të ngushtë me aleatët tanë amerikanë për tejkalimin e sfidave të përbashkëta, si dhe për mbrojtjen e lirisë, pavarësisë dhe demokracisë sonë.

Bashkë, diskutuam edhe zhvillimet e fundit në dialogun me Serbinë, dhe rëndësinë e rolit të SHBA-ve për suksesin e këtij procesi”.

© SYRI.net

Lexo edhe:

• I varroset i vëllai, procesi i Hagës ia pamundëson prezencën Jakup Krasniqit
• Dy të lënduar si pasojë e një aksidenti në Caralevë
• Krasniqi: Humbja tragjike e tre të rinjve, na ka tronditur të gjithëve