Kryeministri i Kosovës Albin Kurti, nesër më 26 qershor do të takohet me presidentin e Serbisë Aleksandar Vuçiq.
Në Bruksel, ata do të priten në takim nga kryediplomati i Bashkimit Evropian, Josep Borrell.
Kështu u bë e ditur në njoftimin e lëshuar për media nga Shërbimi Diplomatik i BE-së.
Në njoftim thuhet se Kurti dhe Vuçiq, e kanë konfirmuar pjesëmarrjen e tyre.
“Presidenti i Serbisë Aleksandar Vuçiq dhe kryeministri i Kosovës Albin Kurti kanë konfirmuar pjesëmarrjen e tyre. Përfaqësuesi i Lartë dhe Përfaqësuesi Special i BE-së Miroslav Lajçak do të zhvillojnë takime të ndara me liderët nga ora 15:00, pasuar nga një takim i përbashkët trepalësh”.
Bashkimi Evropian thekson se në takime do të analizohet ajo që është arritur në dialog nën udhëheqjen e Borrell dhe “do të fokusohen në rrugën përpara”.
“Do të ketë deklarata për mediat nga Përfaqësuesi i Lartë përpara dhe në fund të takimeve në ndërtesën e EEAS”, thuhet në njoftim.
© SYRI.net
Haradinaj: Diaspora duan të investojnë në Kosovë, por duhet krijuar kushte të favorshme për investime
IML: Shkaku i zjarrit ka qenë një defekt elektrik në njërën nga pajisjet në korridor
Sveçla reagon për posterët me Vuçiqin në veri, ia përmend burgun presidentit serb, nëse provon të hyj pa leje
Denonco
Merrni lajmet më të fundit nga SYRI.net në çdo moment dhe kudo që të jeni!
