Shërbimi Spitalor Klinik Universitar i Kosovës ka reaguar lidhur me raportimet se dy foshnje janë ndërruar në Klinikën e Gjinekologjisë, njëra e vdekur dhe tjetra e gjallë.
SHSKUK thotë se nuk bëhet fjalë për ndërrim të foshnjeve por për “dhënie të paautorizuar informative nga infermierja dhe ngatërrim të informatës”.
“Në lidhje me foshnjën e vdekur, gjatë kohës së kryerjes së lindjes, pacientja që po kryente lindjen është njoftuar nga gjinekologët për komplikimet shëndetësore dhe se foshnja e saj nuk do të mbijetonte. Deri të ngatërrimi i informatës ka ardhur pasi në të njëjtën kohë ka pasur edhe një lindje tjetër. Infermierja e Klinikës së Neonatologjisë ka dhënë informatë jo të autorizuar duke ngatërruar rastet, keqinfromuar prindërit”.
SHSKUK thotë se menaxhmenti i Klinikës së Neoantologjisë ka kërkuar deklaratat me shkrim nga i gjithë stafi kujdestar dhe rasti do të procedohet më tutje, sipas legjislacionit në fuqi.
“Drejtoria e ShSKUK rikujton se në qarkoret informative, të lëshuara së fundmi, ka njoftuar klinikat dhe spitalet, se për dhënie të informatave janë të autorizuar vetëm mjekët, shefat e reparteve apo drejtorët e klinikave që përcjellin gjendjen shëndetësore të pacientëve, por jo infermieret dhe punonjësit e tjerë, që nuk janë marrë direkt me trajtimin e rastit.”
© SYRI.net
Gërvalla në takimin ShBA-Karta e Adriatikut: Kosova, e palëkundur për integrime euroatlantike e bashkëpunim rajonal
Haxhiu: Sondazhi i fundit e vë Vetëvendosjen me mbi 49% të votave – pa mërgatën
Kurti fton Selinë e Shenjtë të hapë misionin e saj në Kosovë
Denonco
Merrni lajmet më të fundit nga SYRI.net në çdo moment dhe kudo që të jeni!
