Shoqata e Sindikalistëve në Ministrinë e Jashtme, ka protestuar para kësaj ministrie, duke thënë se po përballen me presione, shantazhe dhe kërcënime nga menaxhmenti i Ministrisë.
Nga kjo protestë u kërkua të ndërpritet menjëherë largimi i dhunshëm diplomatëve të Republikës së Kosovës.
“Në këtë institucion nuk ekziston ambient i sigurt – i përshtatshëm për punë dhe mbrojtjen e integritetit fizik e moral të zyrtarëve. Shoqata Sindikale kërkon që menjëherë të kthehet rendi kushtetues dhe ligjshmëria në shërbimin e jashtëm të Kosovës. Të shfuqizohet rregullorja 1 thye 2021 për rregullimin dhe sistematizimin në MPJ. Kërkojmë të nxirret ligji i ri për shërbimin e jashtëm, që ka qenë në plan. Të ndërpritet sulmi ndaj aktivitetit sindikal, gjegjësisht ndaj kryetarit Agron Maloku dhe të shfuqizohet vendimi për largimin e dhunshëm të tij dhe kolegëve të tjerë”, tha ai
“Një tendencë që t’i mohohet e drejta dhe të mohohen kuadrot, është e papranueshme. Së fundmi kemi një lëvizje ndaj kryetarit të shoqatës, Agron Maloku, duke e larguar nga detyra pasi ka pritu me lexu ligjin para se ta largonte”, tha një tjetër protestues nga Bashkimi i Sindikatave të Pavarura të Kosovës.
“I bëjmë thirrje ministres që t’i ndalë këto përndjekje. Shpresoj dhe besoj që kjo të jetë hera e fundit dhe ti themi stop një diskursi përndjekës ndaj kuadrove që kanë merita të jashtëzakonshme jo vetëm në diplomaci por edhe në zhvillimin e administratës në përgjithësi” tha ai.
© SYRI.net
Gërvalla në takimin ShBA-Karta e Adriatikut: Kosova, e palëkundur për integrime euroatlantike e bashkëpunim rajonal
Haxhiu: Sondazhi i fundit e vë Vetëvendosjen me mbi 49% të votave – pa mërgatën
Kurti fton Selinë e Shenjtë të hapë misionin e saj në Kosovë
Denonco
Merrni lajmet më të fundit nga SYRI.net në çdo moment dhe kudo që të jeni!
