Ushtarët e Shteteve të Bashkuara të Amerikës të cilët shërbejnë në Kosovë e kanë shënuar 246 vjetorin e pavarësisë së vendit të tyre me shumë aktivitete.
Ata kanë organizuar aktivitete të shumta për nder të 4 korrikut.
Pjesëtarët e ushtrisë amerikane zhvilluan gara sportive në bejsboll, vrapim pesë kilometërsh, njofton Komanda Lindore e KFOR-it.
“Ushtarët e ShBA-ve janë krenarë që shërbejnë në një mision të NATO-s në Kosovë, për të ruajtur paqen dhe sigurinë për të gjitha komunitetet”.
Pavarësia e Shteteve të Bashkuara u shpall më 4 korrik 1776.
© SYRI.net