Kurti bën bilancin e 23 vendimeve që sot ka miratuar kabineti qeveritar

17:40, 04/07/2022

Kryeministri Albin Kurti ka bërë bilancin e të gjitha vendimeve që sot janë miratuar në mbledhjen e qeverisë, shkruan Syri.net Kosova.

Ai ka thënë se për mbrojtje e siguri, edukim e shëndetësi, në mbledhjen e 86-të, morëm 23 vendime.

"Forcimi i edukimit në fëmijërinë e hershme është katalizator për zhvillim shoqëror e ekonomik. Miratimi i Projektligjit për Edukimin në Fëmijërinë e Hershme, dëshmon përkushtimin tonë për të vegjlit tanë", ka theksuar Kurti.

Me qëllim të mbrojtjes dhe kujdesit ndaj fëmijëve, miratuam projekt-udhëzimin administrativ për mbrojtjen e fëmijës kundër faqeve të internetit me përmbajtje pornografike dhe të atyre që dëmtojnë shëndetin dhe jetën e fëmijës.

"Miratuam Strategjinë e Sigurisë 2022-2027, për mbrojtje të sovranitetit dhe integritetit territorial, ruajtje të rendit kushtetues dhe sigurisë publike.
Për zbatimin më efikas të sanksioneve të vendosura nga Qeveria jonë ndaj Federatës Ruse dhe Bjellorusisë, në raport me situatën në Ukrainë, plotësuam vendimet ekzistuese.
Me qëllim të luftimit të krimit të organizuar dhe korrupsionit, miratuam koncept-dokumentin për Regjistrin e Pronarëve Përfitues.
Emëruam përbërjen e re të bordit drejtues të Fondit të Sigurimeve Shëndetësore, me qëllim të përmirësimit të gjendjes së shëndetësisë në vend.
Bizneset do të obligohen për shërbim të klientëve me ujë nga rubineti, si dhe për monitorim të cilësisë së ujit të destinuar për konsum.
Që sporti të zhvillohet në një ambient të sigurt, me shanse të barabarta e konkurrencë të drejt, miratuam Projektligjin për Antidoping.
Për nënshkrimin e marrëveshjes ndërmjet Republikës së Kosovës dhe Bashkimit Evropian për pjesëmarrje në programet "Fiscalis" dhe "Customs" 2021-2027, kërkuam autorizimin nga Presidentja e Republikës së Kosovës.
Miratuam nismat me Letoninë, Irlandën, Egjiptin, Lituaninë, Jordaninë dhe Pakistanin, për ripranimin e personave që qëndrojnë pa autorizim.", ka theksuar mes tjerash Kurti.

Postimi i plotë:

Për mbrojtje e siguri, edukim e shëndetësi, në mbledhjen e 86-të, morëm 23 vendime
Forcimi i edukimit në fëmijërinë e hershme është katalizator për zhvillim shoqëror e ekonomik. Miratimi i Projektligjit për Edukimin në Fëmijërinë e Hershme, dëshmon përkushtimin tonë për të vegjlit tanë.
Me qëllim të mbrojtjes dhe kujdesit ndaj fëmijëve, miratuam projekt-udhëzimin administrativ për mbrojtjen e fëmijës kundër faqeve të internetit me përmbajtje pornografike dhe të atyre që dëmtojnë shëndetin dhe jetën e fëmijës.
Miratuam Strategjinë e Sigurisë 2022-2027, për mbrojtje të sovranitetit dhe integritetit territorial, ruajtje të rendit kushtetues dhe sigurisë publike.
Për zbatimin më efikas të sanksioneve të vendosura nga Qeveria jonë ndaj Federatës Ruse dhe Bjellorusisë, në raport me situatën në Ukrainë, plotësuam vendimet ekzistuese.
Me qëllim të luftimit të krimit të organizuar dhe korrupsionit, miratuam koncept-dokumentin për Regjistrin e Pronarëve Përfitues.
Emëruam përbërjen e re të bordit drejtues të Fondit të Sigurimeve Shëndetësore, me qëllim të përmirësimit të gjendjes së shëndetësisë në vend.
Bizneset do të obligohen për shërbim të klientëve me ujë nga rubineti, si dhe për monitorim të cilësisë së ujit të destinuar për konsum.
Që sporti të zhvillohet në një ambient të sigurt, me shanse të barabarta e konkurrencë të drejt, miratuam Projektligjin për Antidoping.
Për nënshkrimin e marrëveshjes ndërmjet Republikës së Kosovës dhe Bashkimit Evropian për pjesëmarrje në programet "Fiscalis" dhe "Customs" 2021-2027, kërkuam autorizimin nga Presidentja e Republikës së Kosovës.
Miratuam nismat me Letoninë, Irlandën, Egjiptin, Lituaninë, Jordaninë dhe Pakistanin, për ripranimin e personave që qëndrojnë pa autorizim.

© SYRI.net

Lexo edhe:

• Haradinaj kritikon Qeverinë për sistemin e drejtësisë: Pushtet i çuditshëm
• Kurti: Rritja ekonomike e qëndrueshme vazhdoi edhe në tremujorin e dytë të vitit
• Bajrami i reagon pushtetit: Qytetarët i dinë çmimet, pagat e tyre kurrë s’kanë qenë më të pavlera