Të shtëna me armë në drejtim të një diskoteke, policia thotë se nuk pati të lënduar

13:15, 04/07/2022

Të shtëna me armë zjarri janë raportuar mbrëmë në diskotekën “Venom” e cila gjendet në rrugën magjistrale Ferizaj-Prishtinë.

Zëdhënësi i policisë për rajonin e Prishtinës, Agron Borovci ka thënë  se rasti ka ndodhur rreth orës 23:25.

“Policia ka dalë menjëherë në vendin e ngjarjes dhe ka ndërmarrë të gjitha veprimet e nevojshme policore. Nuk është raportuar për persona të lënduar përveç dëmeve materiale”, ka thënë Borovci.

Ai ka shtuar se aktualisht janë duke vazhduar hetimet me qëllim identifikimin e persona e të dyshuar të përfshirë në rastin në fjalë dhe në zbardhjen e plotë të rrethanave të kësaj ngjarje.

© SYRI.net

Lexo edhe:

• Osmani flet për qëndrueshmërinë e grave në luftë dhe progresin e Kosovës
• Haradinaj kritikon Qeverinë për sistemin e drejtësisë: Pushtet i çuditshëm
• Kurti: Rritja ekonomike e qëndrueshme vazhdoi edhe në tremujorin e dytë të vitit