Kryetarja e Dhomave të Specializuara Ekaterina Trendafilova do të mbajë sot aktivitet të Programit për Komunikim dhe Ndërgjegjësim në Gjilan.
Kështu është e bërë e ditur në një njoftim për media, nga Dhomat e Specializuara, transmeton Klankosova.tv.
“Trendafilova do të mbajë takim me përfaqësues të shoqërisë civile në Gjilan, ku do të ndajë informacion rreth mandatit, punës dhe zhvillimeve aktuale në Dhomat e Specializuara të Kosovës (DHSK), si dhe do t’u përgjigjet pyetjeve të tyre”, thuhet në njoftimin e tyre.
Në takim ftohen të marrin pjesë edhe gazetarët.
Ky takim ndërveprues organizohet në kuadër të Programit për Komunikim dhe Ndërgjegjësim të Dhomave të Specializuara të Kosovës.
© SYRI.net