Gratë po vazhdojnë të jenë viktimat më të shpeshta të dhunës në familje në Kosovë. Ato shpesh rrahën e kërcënohen edhe në sy të fëmijëve, nga bashkëshortët të cilët kanë frikë t’i denoncojnë në Polici. Një rast i tillë ka ndodhur edhe mbrëmë në Graçanicë.
Burimet e Sinjalit brenda Prokurorisë kanë bërë të ditur se një grua është sulmuar fizikisht nga bashkëshorti i saj, i cili ka ushtruar edhe dhunë psikike, në sy të fëmijëve të tyre, duke iu shkaktuar frikë e shqetësim.
I dyshuari M.J., po dyshohet se përveç dhunës, edhe e ka kërcënuar bashkëshorten me fjalët “kam me të lidhë me litar për qafe dhe kam me të varrosë afër babain tënd”.
E shokuar për situatën që ndodhi dhe e frikësuar nga e keqja që mund t’i ndodhte asaj dhe fëmijëve, viktima e njoftoi Policinë.
Si rezultat i raportimit të rastit, Policia është vënë në veprim dhe ka arrestuar dhe shoqëruar në stacion policor të dyshuarin.
Prokurori i Shtetit ka urdhëruar që i njëjti të ndalohet për 48 orë, nën dyshimet se ka kryer veprën penale “dhunë në familje”.
© SYRI.net
Berisha: Kjo është një betejë historike për të ardhmen e shqiptarëve në këtë vend të bekuar
Osmani flet për qëndrueshmërinë e grave në luftë dhe progresin e Kosovës
Haradinaj kritikon Qeverinë për sistemin e drejtësisë: Pushtet i çuditshëm
Denonco
Merrni lajmet më të fundit nga SYRI.net në çdo moment dhe kudo që të jeni!
