Greqia merr ndihmë nga Europa për sezonin veror të zjarreve

19:27, 03/07/2022

Greqia merr ndihmën evropiane për sezonin veror të zjarreve dhe grupi i parë i zjarrfikësve mbërrin në Athinë me 28 zjarrfikës rumunë. 

Ata u pritën nga Ministri për Krizat Klimatike dhe Mbrojtjen Civile Christos Stylianides dhe drejtuesit e Shërbimit Grek të Zjarrfikësve.

Në Greqi do të vendosen gjithsej 200 zjarrfikës nga gjashtë vende evropiane.

“Rumania është e lumtur që i bashkohet programit të parapozicionimit me forca të specializuara zjarrfikëse. Ne kemi përvojë të mëparshme këtu në Greqi”, tha drejtuesi i ekipit rumun, kolonel Alexandru-Adrian Cilic.

Rumunët, së bashku me vende të tjera, duke përfshirë Rusinë dhe Turqinë, ndihmuan Greqinë të luftonte zjarret e përhapura në gusht 2021, të cilat shkatërruan pjesën veriore të Evia, ishullin e dytë më të madh në Greqi, dhe Peloponezin.

Këtë vit, BE-ja krijoi një "projekt parapozicionimi" pilot i projektuar për të çuar në një program të përhershëm bashkëpunimi në të gjithë Evropën.

Komisioneri Evropian për Menaxhimin e Krizave Janez Lenarçiç shkroi në llogarinë e tij në Twitter se BE-ja është "duke rritur gatishmërinë për sezonin e zjarreve në pyje në Evropë".

"Duke filluar nga sot, më shumë se 200 zjarrfikës nga e gjithë Evropa do të pozicionohen strategjikisht në Greqi për t'u bashkuar shpejt me forcat kombëtare përpara se zjarret të dalin jashtë kontrollit," shkroi ai në Twitter të premten.

Zjarrfikësit rumunë, të cilët sollën me vete pesë makina zjarrfikëse, do të operojnë në rajonin e Atikës, që përfshin kryeqytetin e Athinës, deri më 31 korrik. Në gusht, zjarrfikësit rumunë do të zëvendësohen nga një kontingjent francez prej 25 anëtarësh.

Autoritetet greke thonë se kostot më të larta të karburantit kanë shtuar sfidat me të cilat përballet shërbimi zjarrfikës, i cili mbështetet shumë në avionët që hedhin ujë për të luftuar zjarret në zonat malore.

© SYRI.net

Lexo edhe:

• Berisha: Kjo është një betejë historike për të ardhmen e shqiptarëve në këtë vend të bekuar
• Osmani flet për qëndrueshmërinë e grave në luftë dhe progresin e Kosovës
• Haradinaj kritikon Qeverinë për sistemin e drejtësisë: Pushtet i çuditshëm