Kryetari I PD-së Lulzim Basha i ka bërë thirrje, SPAK-ut të hetojë me urgjencë se ku kanë shkuar milionat që qeveria ka derdhur për inceneratorët, kur edhe zyrtarisht prej vetë asaj deklarohet zyrtarisht se vetëm një pjesë e vogël është investuar në to.
“Nuk është kurrë vonë për t’u penduar dhe refuzuar këtë mëkat, këtë haram.
Ato para mund të shmangnin këtë katastrofë, tavolinat bosh të fëmijëve që shkojnë me barkun bosh për të fjetur e çohen me barkun bosh për të shkuar në shkollë.
Refuzojini paratë e Mafies dhe denonconi aferën më të madhe kriminale në 30 vite: 400 milionë euro të shqiptarëve!
Për mafia e plehrave. Nuk ëhstë kurrë vonë për t’u penduar dhe refuzuar këtë mëkat, këtë haram! Paratë e shqiptarëvë në kohë pandemie në xhepat e Mafies së plehrave të Edi Ramës, Arben Ahmetajt, Erion Veliajt me shokë.
Vetë Ministria e Financave në një raport të publikuar dhe të marrë nga një media e shkruar, që ka pasur guximin ta publikojë , tregon qartë se vetëm një përqindje e vogël e parave që kanë marrë nga taksat, është raportuar si e investuar ga kjo Mafie. E kuptoni çfarë po ndodh apo jo?!
Vendet e tjera kanë shkuar deri në ndalimin e investimeve publike, që paratë t’i çojnë tek shëndetësia….Këta në mes të pandemisë vazhdojnë të vjedhin haptazi.
Edhe KLSH ka konstatuar thotë: nga 75 milionë euro që u janë paguar deri tani, inceneratorit të Fierit, Tiranës, Elbasanit, vetëm një pjesë e vogël raportohet edhe zyrtarisht, është investuar! Ku kanë shkuar të tjerat?!
Kjo është një pyetje për strukturën e posaçme antikorrupsion SPAK dhe sot jo për herë të parë as të dytë po i drejtohem përsëri Strukturës së posaçme antikorrupion: Justifikoni ekzistencën tuaj!
Keni marrë miliona, sot është momenti të çoheni e të mbroni bukën e gojës së fëmijëve shqiptarë e të mos fshiheni!”
© SYRI.net
U dënuan nga Turqia me 250 vjet burg/ Shqiptari i Kosovës mes 37 spiunëve të Mossad-it
Ministrja Haxhiu inkurajon gratë të ndjekin rolet udhëheqëse
Moti me diell dhe vranësira gjatë vikendit, temperaturat deri në 24 gradë 
Denonco
Merrni lajmet më të fundit nga SYRI.net në çdo moment dhe kudo që të jeni!
