‘Edi Rama nuk zgjidhet deputet në asnjë qark, nëse hapen listat 100%’.
Deklarata sfiduese është bërë nga presidenti Ilir Meta, gjatë një bashkëbisedimi me gazetarët.
Sipas Metës, nuk është Rama që ka sjellë socialistët në pushtet, por janë socialistët që e kanë mbajtur në pushtet Ramën që kur u kthye në Tiranë, pasi ishte refugjatë në Paris.
Pjesë nga deklarata e presidentit Ilir Meta:
Janë dy gjëra të ndryshme kur flasim për socialistët.
Unë pavarësisht se jam president i Republikës në bindjet e mia janë socialist pavarësisht se më duhet të respektoj kushtetutën. Nuk janë socialistët që i bëjnë këto gjëra. Është një sekt që ka shfarosur çdo vlerë të mirë dhe pozitive dhe ka zënë për gryke PS-në dhe gjithë Shqipërinë, që është i sponsorizuar pa dyshim nga faktorë që kërkojnë defaktorizimin e Shqipërisë. Është një mashtrim i madh që bënë kryeministri se ai i mban socialistët në pushtet, por për pushtetin e oligarkëve të bandave.
Nuk është Edi Rama që i ka sjellë socialistët dhe i mban në pushtet, ai ka sjellë bandat dhe ka përvetësuar disa oligarkë. Kanë qenë socialistët që e kanë sjellë Edi Ramën nga refugjat dhe e vunë në pushtet. Ai është i pashpresë në rast se humbjen e tij që e ndien çdo qytetar në këtë vend dhe ai kërkon ta kthejë në një tragjedi për Shqipërinë. Të respektojë marrëveshjen e 5 qershorit, të bëjë listat e hapura 100%.
Unë jam i sigurt se ai nuk e bën këtë gjë. Ishte një gjë për të prishur marrëveshjen e 5 qershorit. Dhe e a dini ju pse si bën listat e hapura?
Jo vetëm se i del jashtë kontrollit PS, se nuk do të votojnë biznesmenët dhe përfaqësuesit e oligarkëve, por se ai nuk del në asnjë qark deputet.
Jo në një, po në katër qarqe.
Nuk kam interes të hyj në këtë çështje dhe as të rri indiferent.
© SYRI.net