Edmond Spaho, Nënkryetari i PD-së, i është kundërpërgjigjur “argumenteve” ekonomike të Kryeministrit për vlerat e mëdha të dhjetë oligarkëve dhe përfitimet në miliona euro që Shqipëria paska pasur këto vitet e fundit prej taksave që u merren atyre”.
“Ky është një arsyetim, që nuk vlen për të gënjyer as fëmijët e shkollës fillore, - shprehet Spaho. - Nëse ti i jep oligarkëve 3 miliardë euro ose 300 milionë euro për çdo oligark, për të ndërtuar rrugë me 20 milionë euro/ një kilometër, ata do të paguajnë taksa, të cilat i zbresin në koston e ndërtimit, por do të fitojnë të paktën disa herë më shumë për shkak të çmimit të rrugës 20 milionë euro për 1 km.
Shqiptarët marrin disa herë më pak kilometra rrugë, të cilat kthehen në fitime për oligarkët dhe ryshfet për skotën qeveritare.
Kjo vlen edhe për koncensionet e shëndetësisë dhe fushave të tjera.
Më tej vjen pjesa ku oligarkët i ndajnë fitimet për llogarinë personale bankare. Këtu fitimet vijnë e shtohen edhe më shumë dhe Edi Rama nuk tregon që taksën e dividentit e uli nga 15% në 6% për oligarkët. Madje, për të qënë darovitës me paratë e qytetarëve, i lejoi ata të paguajnë me 6% dividentin e viteve të shkuara e të papaguar nga oligarkët.
Ky veprim është në kundërshtim me Kushtetutën e cila e ndalon parlamentin të nxjerrë ligje fiskale me efekte prapavepruese. Po ku pyet Rama për Kushtetutë?!
Kur bëhet fjalë për të rritur fitimet e oligarkëve është gati të shkelë jo vetëm Kushtetutën, por edhe Shqipërinë dhe qytetarët e saj.
Ta rrëzojmë në 25 prill!
© SYRI.net
Gërvalla në takimin ShBA-Karta e Adriatikut: Kosova, e palëkundur për integrime euroatlantike e bashkëpunim rajonal
Haxhiu: Sondazhi i fundit e vë Vetëvendosjen me mbi 49% të votave – pa mërgatën
Kurti fton Selinë e Shenjtë të hapë misionin e saj në Kosovë
Denonco
Merrni lajmet më të fundit nga SYRI.net në çdo moment dhe kudo që të jeni!
