Shefi i zyrës së Koorporatës Amerikane të Zhvillimit (DFC) në Beograd është – John Jovanoviq.
Duke prezantuar Jovanoviqin, drejtori i DFC-së në Amerikë, Adam Boehler theksoi se ai është një “patriot amerikan, krenar që prindërit e tij janë nga ky rajon”.
John Jovanoviq u rrit në Çikago, ku babai i tij Sreçko dhe nëna Nada u zhvendosën.
Ai është 34 vjeç dhe ka përvojën e një menaxheri që e fitoi si drejtor i ndërmarrjes së fuqishme zvicerane Mercury Energy Group, raporton Danas.
Ai ka një diplomë bachelor në Universitetin Princeton dhe një master në administratën e biznesit për financa dhe menaxhim sipërmarrës nga Universiteti i Pensilvanisë.
Ai ka punuar për kompani me ndikim si Deutsche Bank, Berenson, Noble Group dhe Cadent Energy Partners.
Ai është anëtar i bordit të investimeve të ICT Hub Venture, fondi i parë i investimeve në fazën fillestare për projektet fillestare në Ballkan.
Jovanoviq është gjithashtu një anëtar i bordit të Institutit EastWest, ku ndihmon me nismën e Dialogjeve Ballkanike, e cila mbledh drejtues për të trajtuar çështjet ekonomike dhe politike me të cilat përballet Ballkani Perëndimor.
Para mediave në prezantimin e tij, Jovanoviq deklaroi se ai nuk priste të linte punën e tij në fushën e financave dhe se ishte krenar që punoi për DFC në Beograd.
Ai gjithashtu theksoi se Agjencia Amerikane e Zhvillimit erdhi në Serbi për të qëndruar atje, për të zhvilluar aktivitetet me të cilat merret.
Shefi i Zyrës së Korporatës Amerikane për Zhvillim dhe Financa (DFC) në Beograd menjëherë pas marrjes së detyrës do të vizitojë sot Kosovën, lajm i cili është konfirmuar Ambasada e Shteteve të Bashkuara të Amerikës në Serbi, transmeton Klan Kosova.
“Falënderoj Radio Televizionin e Serbisë për mundësinë për të takuar drejtorin e ri menaxherial të zyrës së DFC që mbulon Ballkanin Perëndimor dhe Egjeun. John do të jetë në Prishtinë të enjten për të avancuar agjendën e Shtëpisë së Bardhë për bashkëpunimin ekonomik rajonal”, shkroi ambasada në Twitter.
Jovanoviq u emërua kryetar i zyrës së DFC, e cila u hap zyrtarisht në Beograd, në prani të të dërguarit të Trump Richard Grenell dhe shefit të DFC Adam Boehler
© SYRI.net
'Me duart tona': Romët që u detyruan të pastrojnë krimet e Serbisë në Kosovë
Osmani lajmërohet nga New Yorku, do ta përfaqësojë Kosovën në javën e nivelit të lartë të OKB-së
Të shtëna me armë zjarri në Mitrovicë, dyshohet për të plagosur
Denonco
Merrni lajmet më të fundit nga SYRI.net në çdo moment dhe kudo që të jeni!
