Pas raportimit se moderatorja Anita Haradinaj është sulmuar fizikisht nga burri i saj, ish-kryeministri i Kosovës, Ramush Haradinaj, Gazeta Express ka tentuar të marrë një përgjigje nga Policia e Kosovës dhe Prokuroria Themelore e Prishtinës lidhur me pretendimet e gazetës “Bota Sot”.
Pak orë më vonë, raportimin në fjalë, moderatorja e ka qujtuar lajm banal sa për klikime, duke mohuar se është dhunuar fizikisht nga bashkëshorti i saj.
Pas reagimit të saj, Prokuroria Themelore e Prishtinës bën të ditur se lidhur me rastin e raportuar në media nuk ka pranuar ndonjë informacion nga Policia e Kosovës.
“Ju njoftojmë se Prokuroria Themelore në Prishtinë, nuk ka pranuar ndonjë informatë nga Policia e Kosovës lidhur me këtë rast”, thuhet në përgjigjen e Prokurorisë.
Ndërsa, Policia e Kosovës nuk është deklaruar akoma për rastin, edhe përkundër insistimit të gazetës.
Tutje, moderatorja Haradinaj ka deklaruar se burri i saj, ish-kryeministri Ramush Haradinaj, nuk ka ushtruar asnjëherë asnjë lloj dhune ndaj saj.
“Edhe bash me ta thënë të vërtetën, prej kur jam martu unë, kurrë n’jetë s’ka ndodhë Ramushi me ushtru ndonjë lloj dhune. E s’po e di ku e kanë gjetë forcën me bë kësi thashetheme banale. Sepse roli i medias, unë jam në media, i kam 21 vjet, nuk është me bë thashetheme”, është shprehur moderatorja.
© SYRI.net
Ngjarje e rëndë në Kosovë/ 2-vjeçarja humb jetën tragjikisht, pasi u rrokullis djepi ku ishte e lidhur
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Denonco
Merrni lajmet më të fundit nga SYRI.net në çdo moment dhe kudo që të jeni!
