Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 ditë të pandehurve M. S.
Ekziston dyshimi i bazuar se me datë 21.09.2020, i pandehuri nuk e ka përshtatur shpejtësinë ngasjes së automjetit kushteve të rrugës, ashtu që me pjesën e përparme të anës së djathtë të automjetit të tij godet këmbësorin S. H., i cili ishte duke kaluar rrugën nga ana e majtë për në të djathtë, nga drejtimi i lëvizjes së automjetit, me ç’rast si pasojë e kësaj goditje i dëmtuari ndërron jetë në vendin e ngjarjes.
Me këto veprime të pandehurit dyshohet të ketë kryer veprën penale “rrezikim i trafikut publik”, vepër e sanksionuar me Kodin Penal të Republikës së Kosovës (KPRK).
Gjyqtari i procedurës paraprake në Departamentin e Krimeve të Rënda, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së paraburgimit ndaj të pandehurit, ndërsa propozimi i mbrojtësit për caktimin e masës së arrestit shtëpiak, vlerësuar si masë e pamjaftueshme në këtë fazë të procedurës.
Palët kanë të drejtën e ankesës ndaj këtij vendimi në Gjykatën e Apelit.
© SYRI.net
Ngjarje e rëndë në Kosovë/ 2-vjeçarja humb jetën tragjikisht, pasi u rrokullis djepi ku ishte e lidhur
Aksioni i gjerë i Policisë në Prishtinë: Ky është personi që u kap me heroinë dhe marihuanë
KEDS bën me rrjet nëntokësor sheshin e qytetit të Suharekës
Denonco
Merrni lajmet më të fundit nga SYRI.net në çdo moment dhe kudo që të jeni!
