U grindën për zhurmën/ Arrestohet siriani, kërcënoi me thikë pronarin e lokalit në Bllok

10:47, 16/09/2020

Një ngjarje e rëndë ndodhi gjatë mbrëmjes së djeshme në zonën e “ish-Bllokut” në Tiranë.

Policia bën me dije se ka arrestuar një 22-vjeçar me origjinë nga Siria pasi kërcënoi me thikë pronarin e një lokali.

Fillimisht, sipas policisë ata janë konfliktuar për shkak se siriani kishte prishur qetësinë publike, ndërsa në sherr e sipër i ka nxjerrë thikën pronarit të lokalit, shkruan abcnews.al.

“Specialistët për Hetimin e Krimit në Komisariatin e Policisë Nr. 3 bënë arrestimin në flagrancë të shtetasit algjerian T. T., 22 vjeç (endacak), pasi në rrugën “Ibrahim Rrugova”, në lokalin në pronësi të shtetasit S. H. ka prishur qetësinë publike dhe ka kanosur me një mjet prerës (thikë) pronarin e lokalit, shtetasin S. H. Në cilësinë e provës materiale u sekuestrua thika”, bën me dije policia.

© SYRI.net

Lexo edhe:

• Aksioni i gjerë i Policisë në Prishtinë: Ky është personi që u kap me heroinë dhe marihuanë
• KEDS bën me rrjet nëntokësor sheshin e qytetit të Suharekës
• Ushtroi dhunë ndaj prindërve, dërgohet pas grilave