Reperi i njohur shqiptar Stresi, i njohur për stilin e tij të drejtpërdrejtë, ka rinisur një raund të ri në debatin me modelen dhe ish-konkurrenten e “Big Brother VIP Kosova”, Juliana Nura.
Pas përballjes së tyre në reality show-n e famshëm ku tensionet ishin të larta, Stresi ka folur sërish për çështjen e famshme të 30 mijë eurove që ka qenë burim i një premtimi gjatë qëndrimit të tyre në shtëpi.
Në një deklaratë të fundit për Prive, Stresi ka adresuar sërish çështjen, duke theksuar se Juliana ende mbetet e fokusuar në shumën e premtuar dhe nuk ka fituar asnjë çmim të parë, duke aluduar për pjesëmarrjen e saj në “Dancing With The Stars Albania”.
Ai ka ironizuar situatën duke i thënë publikut të saj të ndihmojë në gjetjen e një çmimi për Julianën. “Jepjani more një çmim të parë njeriut se mbaroi duke konkurruar”, u shpreh Stresi me një ton të ngjashëm me stilin provokativ që e karakterizon.
Stresi, emri i të cilit është Arkimed Lushaj, nuk ka lënë pa përmendur edhe karakterin eXhulit, duke e cilësuar atë si “pak budallaqe” gjatë komenteve të tij.
Megjithëse ai shtoi se modelja “nuk është vajzë e kqe”, mënyra se si ai ka zgjedhur të përshkruajë Juliana ka marrë vëmendje të veçantë dhe ka shtuar zjarrin në debatin midis tyre.
© SYRI.net