Fituesja e Miss Shri Lanka përfundoi garën me një dëmtim në kokë pasi kaosi shpërtheu në skenë gjatë ceremonisë së ndarjes së çmimeve.
Pushpika De Silva fitoi titullin e zonjës më të bukur të Shri Lankës, dhe ceremonia u transmetua në televizionin kombëtar.
Sidoqoftë, disa momente më vonë, fituesja e këtij titulli nga viti 2019, Caroline Jurie, i hoqi kurorën De Silva, duke pretenduar se titulli nuk mund të ishte i saj sepse ajo ishte e divorcuar.
Rregullat e zgjedhjes janë që garuesit të jenë të martuar dhe nuk duhet të jenë të divorcuar.
“Ekziston një rregull që nuk lejon që gratë që janë martuar dhe divorcuar tashmë të konkurrojnë, kështu që unë jam duke marrë hapa për t’i dhënë kurorën nënkampiones,” i tha Jurie audiencës nga skena. Ajo më pas vendosi kurorën në kokën e shoqëruesit të parë dhe De Silva u largua nga skena me lot.
Ajo më vonë shkroi në Facebook se iu desh të shkonte në spital për shkak të një dëmtimi në kokë që ndodhi ndërsa Jurie po hiqte kurorën e saj.
© SYRI.net