FOTO/ Ndahet nga jeta aktori i famshëm shqiptar

13:56, 01/01/2021

Aktori dhe regjisori mjaft i njohur shqiptar, Dhimitër Orgocka është ndarë nga jeta.

Ai ka ndërruar jetë një ditë më parë në spital.

Orgocka ka qenë dje i shtruar në spital ndërkohë që ka pësuar hemoragji cerebrale.

Amaneti i fundit që profesor Dhimitër Orgocka ka pasur nga bisedat me disa media ka qenë rindërtimi i pallati të kulturës në Maliq, i cili mban emrin e tij.

Kjo ndërtesë u dogj në dhjetor të 2016 dhe vazhdon ende të jetë rrënojë.

Kush është Dhimitër Orgocka:

Dhimitër Orgocka është një aktor i mirënjohur shqiptar, ka lindur në 21 tetor të vitit 1936 në qytetin e Korçës. Ai është gjithashtu regjisor me karrierë të pasur në teatrin ‘A.Z. Çajupi’ në Korçë, ka vënë në skenë 104 premiera në teatrin e Korçës, Fierit, Elbasanit, Prishtinës, Shkupit etj.

Si aktor ai numëron 82 role të interpretuara në skenat e teatrove shqiptare, ku ka marrë edhe çmime.

Filmografia

Njerëz në rrymë - (1989), Bani Bashari

Përsëri pranverë - (1987), Damo Bregu

Dasëm e çuditëshme - (1986), Riza Ostrovica

Asgjë nuk harrohet - (1985), Xha Fanja

Gjeneral gramafoni - (1978), Zoti Misir

Pas gjurmëve - (1978), babai i Skenderit dhe Luanit

Flamur në dallgë - (1977) (TV)

Rrugicat që kërkonin diell - (1975), Toger Antonio

Yjet e netëve të gjata - (1972), Bato Kolaneci

Horizonte të hapura - (1968)... Urani

 

© SYRI.net

Lexo edhe:

• Më në fund! Pas 4 vitesh, Gigi Hadid zbulon për herë të parë emrin e plotë të vajzës
• Ylli italian i TikTok, Khaby Lame, tashmë me sytë nga karriera në Hollywood
• Loredana pjesë e jurisë së spektaklit të njohur në Gjermani