‘Shtëpi e ëmbla shtëpi’ ka thënë secili prej nesh, të paktën njëherë në jetë.
Këtë të enjte, moderatorja Albana Osmani, udhëtoi drejt vendlindjes së saj, Tropojës së vjetër.
Moderatorja, vizitoi shtëpinë e fëmijërisë, dhe nuk u mendua dy herë për ta ndarë këtë moment me publikun.
E ndërsa ndau me publikun videon teksa qëndronte para ballkonit të shtëpisë së saj të fëmijërisë, vend i cili e frymëzoi moderatoren për librin e saj 'Çika', Albana dha edhe një mesazh për të rinjtë.
“Të rinjtë duhet të mbrojnë tokën, vendin dhe të jenë krenar për ato treva që i kanë rritur dhe të mos e mohojnë kurrë në jetë por ta ngrejnë sa më lart që është e mundur. Sot është një ditë e vranët, po bie shi, por unë ndihem shumë ngrohtë, jam në shtëpinë time.”
Aktualisht Albana Osmani po shijon suksesin e librit të saj të parë me titull “Çika në betejë artificiale”.
© SYRI.net