Mes lotësh, Zef Deda tregon se do të donte një takim të fundit me Koço Devolen

15:18, 09/11/2020

Ditën e djeshme bota e artit shqiptar u zgjua në zi.

Koço Devole, skenaristi dhe aktori i mirënjohur shqiptar, fatkeqësisht doli i humbur në betejën me Covid-19 dhe ndërroi jetë.

Menjëhërë pas lajmit, të shumtë ishin personazhet që reaguan duke e quajtur largimin nga jeta të mjeshtrit Koço Devole, një humbje të madhe për Shqipërinë.

Në emisonin ‘Historia ime’, në një lidhje me Skype, foli i përlotur edhe aktori i humorit Zef Deda .

Zef Deda shprehet se kjo ishte një pabesi nga ana e Koços sepse duhet të njoftonte miqtë e tij që t’i jepnin buzëqeshjen e fundit para se të largohej nga jeta.

Zef Deda: Na ra shumë rëndë, është krejt pabesi e Koços që nuk i lajmëroi shokët dhe miqtë që t’ja jepnin një buzëqeshje kur të shkonte në botën tjetër sepse në na ka dhënë shumë buzëqeshje me interpretimet e tij të mrekullueshme. Por interesimi i tij duhet të ishte më i madh. Vërtet vuante nga Leucemia, ndaj duhet t’i bënim ndonjë vizitë interesante e t’ja zgjasnim jetën një fije këtij artisti të madh, por e preku dhe koronavirusi dhe e mbyti.

Mirela Milori: Të shoh shumë të ngarkuar dhe të mërzitur, është hera e parë që të shoh kaq të mërzitur Zef Deda...

Zef Deda: Në kohën e pandemisë janë të lënduar të gjithë sepse janë keq ekonomikisht dhe nga ana shëndetësore. Neve na ka shkuar i joni, ai që ishte një krah i fortë dhe i fuqishëm në këtë situatë tepër të vështirë që po kalon ky komb. Është ai Koço që na ka dhënë shumë kurajo. Ai ka pasur pasion, dëshirë, ka pasur forcën e penës, dorën e bukur, ata sy të mrekullueshëm, një artist tepër, tepër simpatik. Por ka pasur një detyrë të rëndë, me e mbajt gjallë këtë popull, që të mos i binte aspak nuri i të qeshurit.

Ka ndihmuar shumë, ka forcuar zemrat e njerëzve. Ai ka qenë një prej kolegëve tonë që na ka ndihmuar në mënyrë të jashtëzakonshme me focën e tij krijuese dhe krijimtarinë e tij edhe në paraqitjen tonë në skenë. Ai ishte një aktor, një shkrimtar, një publicist i bukur dhe një karikaturist i mrekullueshëm.

 

 

© SYRI.net

Lexo edhe:

• Loredana pjesë e jurisë së spektaklit të njohur në Gjermani
• Ish-bashkëshorti këshillon Jennifer Lopez të qëndrojë beqare: Mos u marto më
• 'Pse na e bërë o Gert!'/ Arbër Çepani reagon për ndarjen nga jeta të kunatit të tij Gerti Bogdani