Policia britanike ka arrestuar ish-lojtarin e Manchester United, Ryan Giggs, i cili është trajner i Uellsit.
Gigs është arrestuar nga policia, pasi dyshohet se sulmoi të dashurën e tij, Kate Greville.
Fqinjët e ish-lojtarit kanë telefonuar policinë, pasi kishin dëgjuar britma nga shtëpia e tij.
Menjëherë pas kësaj, policia zbarkon në shtëpinë e Giggs dhe e arreston.
E dashura e tij kishte disa dëmtime në trup, por nuk kërkoi ndihmë mjekësore, ndërkohë që Giggs e ka mohuar të ketë sulmuar të dashurën e tij.
Giggs është në lidhje me Greville që nga viti 2017, kohë kur u divorcua nga ish-gruaja Stasei, të cilën ai e tradhtoi me gruan e vëllait të tij për plot tetë vite radhazi.
© SYRI.net