Këngëtarja e njohur, Ronela Hajati duket se së fundmi është bërë nostalgjike.
Në llogarinë e saj në Instagram, këngëtarja ka ndarë disa video të cilat datojnë vite më parë.
Bëhet fjalë për kohën kur ''Ethet e së Premtes”, ishte një nga konkurset televizive më të ndjekura, nga ku kanë dalë shumë emra të njohur të muzikës shqiptare.
Një prej tyre ka qenë dhe këngëtarja Ronela Hajati.
Ronela, ishte vetëm 13-vjeç kur përjetoi për herë të parë emocionet e një skene të madhe.
Dhe pikërisht këto emocione ka dashur t'i risjellë në kujtesë dhe njëherë vetë këngëtarja, e cila në një nga videot që ka ndarë me ndjekësit, shkruan:
“Ishin “Ethet” e para dhe kur kam fituar kete fazen jam hedhur perpjete nga gezimi si kurre ndonjehere! Mu mbushen syte me lot kur e pashe,ndoshta nga naiviteti ,dashuria e madhe dhe endrrat e pafundme per muziken ,e nese do kisha mundsi do e perqafoja veten fort kur shoh sa shume gjera kane ndikuar ne karakterin tone! Ama shpirtin ,syte,shprehine dhe dashurine e kam te njejten … si diten e pare qe pashe kamerat kur u ndezen ! Kam qene vetem 13 vjeç dhe me konsideronin si “perjashtimin” e konkursit se isha shume e vogel…. sot pas 17 viteve i lutem Zotit per shendet e jete te gjate se Ronela e vogel e meriton ti realizoje gjithe endrrat e saj! “, shkruan artistja.
© SYRI.net