Dogana e Kosovës ka dhënë një tender në vlerë gati gjysmë milioni euro për furnizim me tri automjete të reja të blinduara.
Këto automjete duhet të jenë vit i prodhimit 2023-2024 dhe të jenë të papërdorura.
“Në kuadër të çmimit ofertues OE duhet te përfshijë shërbimin e të gjithë mirëmbajtjes së automjetit (vaji dhe të gjithë filtrat, punën e dorës) për periudhën që automjeti është nën garancion”, theksohet ndër të tjera në dosje tek specifikacionet.
Edhe dritaret thuhet se duhet të jenë me xhama anti-plumb për mbrojtje kundër plumbave dhe shpërthimeve.
“Operatori Ekonomik do të dorëzojë Certifikatën ose atestin për blindim të veturës; Operatori Ekonomik duhet të sjellë licencën e kompanisë që e ka bërë blindimin; Operatori Ekonomik duhet të ketë autorizim nga prodhuesi ose dileri për shitjen e veturës; Operatori Ekonomik duhet të dorëzojë garancionin e prodhuesit të veturës të prodhuesit ose dilerit.
Operatori Ekonomik do të garantojë për blindimin e veturës”, thuhet në dosje.
Kontrata i është dhënë me negocim kompanisë “PRICOM” SH.P.K, për 473 mijë e 367 euro.
Nënshkrimi i saj është bërë dje, derisa kohëzgjatja e kontratës është për 12 muaj.
Vlera e parashikuar për këtë kontratë ka qenë 600 mijë euro. Tenderi me çmimin më të ulët ka qenë ky, ndërsa me çmimin më të lartë 825 mijë euro.
© SYRI.net