Organizata e Ushqimit dhe Bujqësisë e Kombeve të Bashkuara tha të Enjten se çmimet globale të ushqimit janë rritur në nivel rekord muajin e kaluar dhe rritje pati për të tretin muaj radhazi.
Indeksi i kësaj organizate për çmimin e ushqimit u rrit për 3 për qind në krahasim me një muaj më parë, duke e arritur nivelin më të lartë për më shumë se një dekadë në tetor me 133.2 pikë.
Rritja u shënua në vajra bimore dhe në drithëra.
Indeksi i çmimit të drithërave u rrit për 3.2 për qind, ndërsa çmimi botëror i grurit u rrit për 5 për qind për shkak të rendimenteve më të ulëta në territoret e eksportuesve të mëdhenj, shkruan Anadolu.
Indeksi i çmimit të vajrave bimore u rrit për 9.6 për qind duke arritur nivel rekord të të gjitha kohërave.
Indeksi i çmimit të produkteve të qumështit u rrit për 2.2 për qind në krahasim me muajin shtator pas rritjes së kërkesës globale për disa lloje produktesh.
© SYRI.net
OEK dhe bizneset alarmojnë se fuqia punëtore po ikën
Kursi zyrtar i këmbimit valutor, 21 qershor 2024
Këmbimi valutor 14 qershor/ Me sa blihen e shiten dollari dhe euro
Denonco
Merrni lajmet më të fundit nga SYRI.net në çdo moment dhe kudo që të jeni!
