Agjencisë Anti Korrupsion i sigurohet qasje në regjistrat pronësore të AKK-së

Agjencisë Anti Korrupsion i sigurohet qasje në regjistrat pronësore të AKK-së

12:43, 15/10/2020

Drejtues të Agjencisë Kadastrale të Kosovës dhe Agjencisë Kundër Korrupsionit, kanë nënshkruar një memorandum bashkëpunimi mes institucioneve, i cili ka për synim që AKK-së, t’i sigurohet qasje në shikim, printim dhe shënim në certifikatat pronësore të administruara nga Agjencia Kadastrale e Kosovës.

Sipas një njoftimi për media, ky avancim i mënyrës së bashkëpunimit, respektivisht formalizmi i bashkëpunimit me memorandum ku qartë specifikohen fushëveprimi i bashkëpunimit, si dhe përgjegjësitë e palëve nënshkruese vjen si rezultat i disa avancimeve që kohëve të fundit ka zhvilluar AKK-ja e që kanë rezultuar me kalimin prej mënyrës tradicionale të ofrimit të të dhënave (CD, email, letër) në mënyrë të avancuar, përmes ofrimit të qasjes në të dhëna në kohë reale dhe përmes ueb shërbimeve.

“Në këtë takim u vlerësua akti i marrëveshjes, duke potencuar se përftitues kryesorë nga një proces i tillë do të jenë vetë qytetarët dhe institucionet e Republikës së Kosovës pasi që në këtë mënyrë do të ngrihej shkalla e sigurisë së transakcioneve pronësore, do të shmangeshin procedurat burokratike, do të ngritej shkalla e transparencës, do të mundësohej ofrimi i të dhënave kualitative e në kohë reale e ngjashëm”, thuhet në njoftim.

Ndryshe, për aspektin teknik të implementimit të këtij memorandumi, AKK-ja do të ofrojë edhe trajnime të nevojshme për zyrtarët e Agjencisë Kundër Korrupsionit për operim me qasje të limituar në Regjistrin e të Drejtave mbi Pronën e Paluajtshme.

© SYRI.net

Lexo edhe:

Komentet

Shto koment

Denonco