Bizneset kosovare, të cilat kanë pasur humbje si pasojë e pandemisë me COVID-19 do të ndihmohen nga Fondi për Rimëkëmbje Ekonomike i Qeverisë së Kosovës me 60 milionë euro.
Në listën e përfituesve të kësaj shume prej 60 milionë eurove janë mbi 90 mijë biznese me mbi 200 mijë punëtorë.
Nga kjo listë e bizneseve, në bazë të vendimit të Qeverisë së Kosovës, nga një komision ndërministror, do të largohen ndërmarrjet publike dhe bizneset të cilat e kanë të rregulluar tregun nga rregullatorët.
Por, a do të jenë përfitues bizneset e reja që u regjistruan në fillim të pandemisë, në kuadër të masës 14 të Pakos Emergjente?
Syri.net Kosova, ka kontaktuar Ministrinë e Financave.
Zëdhëndësi për media, Muharrem Shahini, për Syri.net Kosova, ka thënë se edhe këto biznese do të jenë pjesë e ndihmës financaire.
Të gjitha bizneset që janë regjistruar deri me 30 korrik 2020, poashtu edhe bizneset që i kanë pajisur me kontrata 1 vjeçare punëtorët në kuadër të masës 14 të Pakos Emergjente, do të jenë përfitues nga pako 60 milionëshe.
Kujtojmë se masa 14 e Pakos Emergjente, ofroi mbështetje financiare për shoqëritë tregtare që regjistrojnë punëtorët me kontratë pune së paku një (1) vjeçare gjatë periudhës së situatës së emergjencës së shëndetit publik, nga njëqind e tridhjetë (130€) euro për dy muajt pasues pas regjistrimit, në vlerë deri në gjashtë milion (6,000,000.00 €) euro.]
© SYRI.net
Bllokimi i CEFTA-s, paralajmërohen pasoja ndaj Kosovës edhe për planin e rritjes
Këmbimi valutor 13 shtator/ Me sa blihen e shiten dollari dhe euro, çfarë ndodh me monedhat e tjera
Këmbimi valutor 10 shtator/ Me sa blihen e shiten dollari dhe euro, çfarë ndodh me monedhat e tjera
Denonco
Merrni lajmet më të fundit nga SYRI.net në çdo moment dhe kudo që të jeni!
