I ftuar në studion e SYRI TV, përballë moderatores Armela Ferko, eksperti i ekonomisë Klodan Muço ka komentuar raportin e zymtë të Bankës Botërore, ku 41.5% e pupullsisë zhytet në varfëri dhe rënia ekonomike në 2020 do jetë -8.4%.
Eksperti i ekonomisë Muço tha se rritja e rënies së parashikuar nga Banka Botërore, varjon nga -7.5 % në një shifër më të lartë -8.4%, si pasojë e mungesës së masave adekuate në këtë periudhë nga ana e qeverisë.
Sipas Muços, ‘Shqipëria dhe Mali I Zi dy vendet me rënien më të lartë në rajon nga pasojat e pandemisë’.
‘Jemi në periudhë pandemie globale ku të gjithë vendet janë prekur nga rënia ekonomike. Masat e mara ishin inadeguate, 650 mln euro në muaj ishte kosto e mbylljes së vendit, ku për dy muaj afërsisht 1.3 mld euro. Rama u mburr me disa paga, ku këto nuk prekën as 1 % te GDP. Ne as sa vendet e rajonit nuk e realizuam, ku Kosova ishte 3.2 % e GDP’, ka theksuar Muço.
‘Te ne mendohet për infrastrukturë publike, kur jemi në mes të pandemisë. Është rishikuar buxheti por nuk është reflektuar te problemet reale’.
Raporti i Bankës Botërore, ku 41.5 % e shqiptarëvë zhyten në varfëri nga humbja e vendit të punës, eksperti u shpreh se ky numër është më i lartë.
‘Kemi mbi 30 mijë që nuk janë të deklaruar. Biznesi është prekur shumë nga pandemia, ku cdo ditë ka një numër të lartë që mbyllen’.
© SYRI.net