Ministria e Pushtetit Lokal sipas obligimeve nga vendimi Nr.11/30, për aprovimin e kritereve për mbështetje financiare për komuna për menaxhimin e situatës së krijuar nga pandemia Covid-19 në bashkërendim me Kryeministrin, ministrat e MPL, MSH, dhe MF me kryetarët e komunave, me qëllim që të adresojë shqetësimet e komunave të vogla, si dhe të komunave në përgjithësi, ka përgatitur raportin vlerësues për ndarjen e fondeve për rimëkëmbjen ekonomike sipas kritereve.
Mjetet e ndara në vlerën prej 10,000,000.00€, sipas kritereve të aprovuara nga qeveria, janë transferuar sot drejtpërdrejt në buxhetin e komunave përkatëse, sipas planit të alokimit të mjeteve nga komuna dhe Ministria e Financave.
Nga sot mjetet e ndara janë në dispozicion të komunave për rimëkëmbje ekonomike nga COVID-19.
© SYRI.net