Pak më shumë se 48 orë përpara se zëvendëspresidentja Kamala Harris dhe ish-presidenti Donald Trump të përballen për herë të parë në një skenë debati në Filadelfia, një sondazh i ri tregon dy kundërshtarët në thelb kokë më kokë.
Por sondazhi, i kryer nga ”New York Times” dhe ”Sienna College” dhe i publikuar dje, dha disa shenja paralajmëruese për Harris, përfshirë se 71% thanë se e dinë atë që duhet të dinë për të, krahasuar me 90% për Trump.
Të dy përballen me njëri-tjetrin në një debat të organizuar nga rrjeti televiziv ABC të martën në orën 21:00 (01:00 GMT).
Në përgjithësi, sondazhi i votuesve të mundshëm tregoi Trump me 48% krahasuar me Harris me 47%.
Duke parë të gjithë votuesit e regjistruar, Harris është në 46% dhe Trump në 48%, që është brenda kufirit prej 3% të gabimit.
Gazeta vuri në dukje se ndërsa Trump ka pasur një muaj të vështirë, pas tërheqjes së presidentit amerikan Joe Biden nga gara, mbështetja e tij është jashtëzakonisht e qëndrueshme.
”Por, që këto rezultate tregojnë se mbështetja për Trump nuk është zvogëluar duhet të jetë një shenjë paralajmëruese për Harris”, sugjeroi gazeta.
Në prag të zgjedhjeve presidenciale të 5 nëntorit, pothuajse çdo sondazh i ri bëhet titull kryesorë në Shtetet e Bashkuara. Sondazhi aktual po shikohet veçanërisht nga afër sepse tregon një avantazh për Trump.
Megjithatë, është e pamundur të thuhet me siguri në këtë fazë nëse mbështetja për Harrisin ka rënë ose nëse zhurma që e rrethonte është shuar që kur ajo hyri në garë – apo të dyja.
Për këtë nevojiten më shumë sondazhe.
© SYRI.net
Partitë e majta nisin procedurat e shkarkimit të Macron
U hakëruan nga izraelitët/ Shpërthejnë ‘telefonat inteligjentë’ të anëtarëve të Hezbollahut, qindra të plagosur në Liban
Një banor i Moskës dënohet me 5 vjet burgim pse dha intervistë për REL-in
Denonco
Merrni lajmet më të fundit nga SYRI.net në çdo moment dhe kudo që të jeni!
